PS Digimon World 數碼暴龍世界 攻略 Part 6 終於進入無限山，最後嘅邪惡…大部份都係機械乜乜…

Part 6

56) 惡魔獸
當大家準備齊全後
向無限山進發
一路進發
第一隻遇到嘅會係惡魔獸
打贏佢會返街係地下商店賣惡魔晶片

57) 機械飛龍獸
其實大家可以選係咪依家打佢
如果補唔多可以留返唔打住
打贏佢會返街企係鬥技場左邊自稱最強

58) 機械暴龍獸
一路直入深處
會見到機械暴龍獸
當然佢係一隻”攔路虎”
點都要打佢o架啦
打贏佢會返街係鬥技場幫你睇住你d 戰積

59) 機械邪龍獸
到左最終Boss 啦
如果無返咁上下
你都係要返返落去訓練場練下同埋買返多少補品
打佢之前有個博士咁嘅物體出黎講野
到哩一刻大家終於知道原來Digimon World 一切嘅野都係佢係度搞鬼
咁當然二話不說咁就同佢打返場啦
機械邪龍獸不愧為全部最強機械族嘅結晶所在
不過經過一輪激戰
最終都打贏佢
然後諗住”的”個博士出黎打一身
點知佢學左奧加獸 – 懶皮
走佬之餘仲要引發爆炸

60) 飛龍獸Part2
係就黎爆炸之際
飛龍獸突然出現
用空間轉移術救出主角
之後飛獸就會係鬥技場幫你占卜

就係咁Digimon World 嘅危機就俾你解救左啦
你亦都成為Digimon World 嘅英雄
而你都完成左表關

Check Point 9 – 裏關
大家應該發覺仲有好多野未做
所以睇完動畫之後load 返個save
可以繼續玩裏關

61) 蛋蛋獸
唯一只可以係裏關先打得嘅Digimon
去返無限山打機械邪龍獸處
會見到隻蛋蛋獸企係度
二話灴說就衝過去同佢打
打贏佢會返街幫手管理餐廳

Check Point10 – 串燒豆丁三兄弟
哩三兄弟好高竇，出現機率係3/200
如果見唔到佢地，可以出出入入該版圖

62) 妖精獸
係開始之街過左數碼橋果個海灘會見到妖精獸
最好係佢身上學到自然系嘅”晶片蟲”
打贏佢會返街管理商店
同佢可以買到”訓練記錄卡”，加強每次訓練後嘅效果
*請緊記，同妖精獸買完“訓練記錄卡“後，哩一世都唔好再同佢講野，否則扣繁榮度時就愛莫能助

63) 豆豆獸
係出現宇宙腦魔版圖上面嘅版圖會見到豆豆獸
打贏佢會返去管理地下商店

64) 鋼鐵豆豆獸
由巨鯨獸送去工業之城
一入大門口版圖右下角處會見到鋼鐵豆豆獸
打贏佢會返街係鬥技場出現
不過係街度見唔到佢

Check Point11 – 冰封聖殿
搭巴多拉運輸公司黎到雪原嘅冰封聖域
一直向左行可以見到有冰封聖殿
冰封聖殿只可以係疫苗系先可以入得
一入去大堂調查下周圍
會發現除左個冰像之外乜都無
正想離開之際冰像移開出現秘道
一入去行前小小轉右會有通道

65) 天使獸
通過傳送點黎到最深處
會見到雪加獸同兩隻亞古獸
打贏佢地行到光點時會閃一野強光
之後出返去聖殿大堂
發現冰像唔見左天使獸從天而降
之後會返街企係爺爺獸旁邊幫你提供情報

Check Point12 – 聖殿訓練場
冰封聖殿直行入去會有個訓練場
訓練效果比起開始之街訓練場好好多

Check Point13 – 闇貴族之館
之前見到猛鬼獸嘅鬼屋
如果唔係病毒系Digimon 會話你唔夠強
如果係病毒系Digimon 可以直入(鼻涕獸都得…強)
入到去全部門都鎖住左
得右上角果度門無鎖
入到一直向左行行到餐䒷處
係火爐見到有閃光
調查會拎到闇貴族之館之鍵
可以開晒全部門(除右下角被封印嘅門)

66) 吸血魔獸Part1
拎左館之鍵就去右上角嘅門
一路上直到入到間有張床嘅房
調查下張床
會發現原來張床係升降機
落到去會見到吸血魔獸
佢會話好辛苦好耐會吸過血
叫你去雪櫃拎畀佢
見佢咁辛苦就幫下佢啦
去返起初得果度門入到嘅果間廁所房
向右邊會見到三隻帽子猛鬼獸
見到藍色雪櫃門打開佢點知唔見有野(唔通佢Fix 我地??)
搵唔到血畀吸血魔獸返去搵佢容乜易畀佢吸左我d血o架
都係走為上著啦
一行出館門口
即時見到塊血肉
原來走左出黎
拎去見吸血魔獸
佢會同你係餐枱度講返Digimon World 嘅一d 歷史
然後加入鬥技場

67) 吸血魔獸Part2
返去貝殼獸報告板見到吸血魔獸退出鬥技場
去返闇貴族之館
到餐枱處見唔到吸血魔獸
去返第一次見到佢嘅地下室都見佢
無法唯有走佬啦
一行到門口就見到惡魔獸飛出黎
佢話右下角嘅被封印門已經解封
跟手就入去啦
入到去會見到吸血魔獸會係個監倉入面
佢已經唔多清醒啦

68) 喪屍暴龍獸+吸血魔獸Part3
再行入d 會見到隻喪屍暴龍獸
原來吸血魔獸係度秘密研究緊哩d 野
點知依家隻喪屍暴龍獸失控
點都好啦
依家都要砌低隻野救返吸血魔獸
打贏佢行返去監倉同吸血魔獸講野
會返返出餐枱
之後佢地會雙雙加入鬥技場

Check Point14 – 玩具街
解哩個任務比較麻煩
首先要進化成鼻涕獸(即係話最少都要變返蛋一次)
建議進化方法
揀第一隻蛋
進化成亞古獸，然後完全唔練佢
記住全能力唔可以高過1000同100
跟進去人馬獸度過時間
或者未解角龍獸任務嘅話
依家解就最好啦

69) 熊仔獸Part1
搭巴多拉運輸公司去祖利獸度
行入去會見到有玩具街
左邊巨龍獸-EX 屋仔入面會有件熊仔獸衫係張沙發度
調查一下你隻鼻涕獸會著左件衫進化成為熊仔獸
(其它Digimon 只會令件衫跌落地下，無事發先)
咁你就可以入到去玩具城入面解救玩具街嘅問題啦

70) 邪熊獸
上到去玩具城最頂層會見到隻邪熊獸
原來就係佢拎走左玩具街嘅一d 部件，令到玩具街出玩混亂
打贏佢會畀返件部件你
另外會加入街嘅鬥技場

71) 熊仔獸Part2
拎住件部件行去玩具街右上角機械人果間屋
畀返件部件佢
佢會令玩具件回覆正常
熊仔獸(衫)都會掛係爺爺獸屋內

72) 亞伯獸
潮人亞伯獸會係5個唔同地方出現
只要係5個唔同地方同佢講5次野就會返街企係亞古獸旁邊
(企係度唔知係咪想偷野)
果5個地方分別係:
古代境時急域礦石獸處
奧加獸山寨大廳
發現獅子獸先祖石版處
工業之城下水道鼻涕獸處
玩具城頂層邪熊獸處

Check Point15 – 數碼暴龍機
搵亞伯獸嘅其中兩次會出現數碼暴龍機
每一部機會令道具欄多10個item 位

*去到哩度
全部Digimon 攻略完畢
返去同爺爺獸講野
佢會親自頒哩個獎品 – 100繁榮度金幣過你

Check Point16 – 裏次元
每年機械邪龍獸都會係唔同地產生裏次元
可以係裏面再打佢同埋裏次元入面嘅強勁Digimon
當然可以學到勁招嘅Digimon 係入面啦
*裏次元出現地點: 冰封聖殿，闇貴族之館，玩具城，奧加獸山寨，比多森林